Wunpawng Amyu Sha ni a Amyu Sha Mung Masa Labau Kadun (Daw 5)

DAW – V SHANGLAWT LU AI HPANG NA MUNGDAN UPHKANG SA WA AI LAM.

  1. British Asuya lata na shanglawt lu ai hte rau, Myen Mung a CONSTITUTION hte maren, DEMOKRESI masa hte Mungdan Uphkang ma ai. Myen Mung masa hpung law law nga ai hta na AFPFL ni ra lata poi dang nna Asuya lung ai. U. Nu Hkring Mang Daju Lit la nna, SAW SHWI TAIK ( Sam Saw Bwa) Gumsan Magam galaw ai.
  2. Kachin State hta PAWNG YAWNG RAM RAWT HPUNG hte K.N.C ( Kachin National Congress ) hpung ni gahti galai Mungdaw Asuya lung ai, hpang daw de ( 1960 grup yin ) KUNG HPAN hpung ( P.Y.K.HP ) ngu ai Mung Masa hpung langai bai jat wa ai. Kaga La Pai shanang ai Mung Masa hpung kaji kajaw mung nga pru wa sai.
    (1 ) 1952 ning March shata -14 ya shani Sama Du Wa Sin Wa Naw Mungdaw Ningbaw lung ai.
    ( 2 ) 1953 ning hta Hkring Mang Daju U.Nu gaw Sama Du Wa Sin Wa Naw
    hpe HEAD OF STATE na shayu kau ai.
    ( 3 ) 1953 htum wa de Du Wa Zau Lawn HEAD OF STATE galaw ai.
    ( 4 ) 1956 ning hta Du Wa San Hta Sin HEAD OF STATE lung ai.
    ( 5 ) 1958 ning hta Du Wa Wabaw Zau Rip HEAD OF STATE lung ai.
  3. 1958 ning hta Hkring Mang Daju U.Nu lata kaw na General – Ne Win lata de NTA SIN ASUYA Lit ap ya ai.
  4. 1960 daw de AFPFL lahkawng brang garan mat ai. SAN SENG HP.S.P.L hpung ngu ai hpe U.Nu hte U. Tin woi awn ai. NGANG GRIN HP.S.P.L hpung hpe U.Ba Swe hte U. Kyaw Nyeen woi awn ai.
  5. 1960-61 hta ra lata poi galaw yang U.Nu hpung ni dang nna Asuya hpaw ai, Kachin State hta gaw Sama Du Wa Sin Wa Naw hte Du Wa Zau Rip hpung ni dang nna Asuya hpaw ai.
  6. Ndai U Nu woi awn ai PARLIAMENT DEMOKRESI ASUYA prat e Wunpawng Amyu hte mungdan a matu, labau shang mabyin masa langai mi gaw Ru Yin Maing- 58 ( Square Mile ) dam ai Hpyi Maw, Gaw Lam hte Kang Fang Buga hpe Miwa Gumsan Mungdan de jaw ya kau ai lam byin lai wa sai, shaning tsawm ra mi tsun jahta, dang rang hkat ai hpang, Myen Mung hte Miwa Mung a lamu ga jarit hpe ngang kang ai hku Hkring Mang Daju U. Nu hte Miwa Mung Hkring Mang Daju Chu En Lai yan ninghtoi;- 1-10-1960 ya shani Peking Mare Daju e myit hkrum Ga Sadi ta masat jawm htu sai.
  7. SAM MUNG MARE DAJU, TAWNG GYI MARE E FEDERAL MASA ( JET AI MUNGHPAWM MASA ) HTE SENG NNA ZUPHPAWNG GALAW AI LAM.

Munghpawm Myen Mungdan a ningpawt ninghpang gaw da ai Tara (“Constitution) hta rawng ai hte maren, shanglawt lu ai hpang (10) ning hpring yang Sam Mung Daw gaw garan pru mayu yang garan pru lu ai ngu tawn tim, 1958 ning hta U.Nu kaw nna General-Ne Win a lata de Myen Mung hpe gan Uphkang na matu NTA SIN ASUYA hpaw shangun kau dat ai. Dai shaloi Parliamerir Mung bawng Rap Daw bku nna tang jahkrup na mahkrun nhku mat ai.

Dai majaw. Bum nga masha (Ethnic Groups) Mung Masa la ni garu hpang wa sai. 1960-61 hta gaw Sam Mung a Mare Daju Tawng Gyi Mare kaw. Bum nga amyu baw sang (Ethnic Groups) ni Federal Masa (shing nrai, jet ai munghpawm masa) hte seng nna zuphpawng kaba galaw sai. Federal masa hpe Salang (32) ta masat htu shagrin dat nna mung hpawm myen mung kata e Federal hkrang masa woi lang sa wa na matu, 1961-62 ning na U.Nu ningbaw ai Munghpawm Asuya, de tang madun sai.

U Nu Asuya gaw, Mungbawng Rapdaw kaba hta, ndai lam hpe woi bawng ban ra wa ai masa sat lawat de du wa sai. Dai majaw, kalang mi bai, 1962 ning March shata praw (2) ya shani hpyen Dap kaw nna Mung Up ai ahkang aya hpe magra jum dat sai. (Min Mawng Mawng ka ai laika man 153-160).

  1. 1962- March praw (2) ya shani Hpyen Dap gumlang Kongsi kaw nna Mungdan uphkang ai ahkang aya jum tek sa wa ai gaw, dai ni (2002 ning) du hkra, (1) Gumlang Kongsi prat (2) MSL Uphkang ai prat (3) SLORC Uphkang ai prat (4) SPDC Uphkang ai prat hku nna ban hte ban shaning 40 ning hpring jan rai nga sai.

WUNPAWNG AMYU SHA NI A AMYU SHA MUNG MASA LABAU KADUN, GINJAW KOMITI, WUNPAWNG MUNGDAN SHANGLAWT HPUNG

 

Leave a Reply

Your email address will not be published. Required fields are marked *