Jinghpaw Mung Kaw H1N1 Ana Kap Masha Jep Mu

Jinghpaw mungdaw kaw September (3) ya shani A (H1N1) ana kap hkrum ai masha langai jep mu ai lam Mungdaw Hkamja lam hkring mang Rung  na Dr , Win Lwi tsun da ai lam na chye lu ai.

Machyi masha gaw Myitkyina kaw nga ai asak 50 ning hpawmi langai hte Hpakan Ginwang kaw na asak 6 ning Ma kasha langai mung H1N1 ana byin nna Mandaly Tsi Rung kaba kaw tsi tsi hkam la nga ai lam, Seng ang ai ni kawn Dum nta masha ni hte makau grup yin masha ni hpe Ana makawp maga ai lam hte seng nna ningmu jahpaw hpaji jaw da sai lam  chye lu ai.

Ya aten Myen mung kaw H1N1 Ana a majaw si sum masha 36 du nga sai hte Ana kap hkrum machyi masha marai 375 nga sai wa re , Asuya gaw H1N1 Ana law malawng byin ai Yangon , Pago ,Irrawadday  Ginwang hte  Rahkai mung daw ni kaw ana makawp maga tsi htu ya na sha n-ga  Jinghpaw mung hte Sam mung ding dung daw na IDP hpyen yen dabang na mungshawa ni hpe mung du wa na bat laman H1N1 Ana makawp maga tsi htu ya na lam Myen mung hkamja lam hkring mang Rung kawn tsun ndau da ai hpe matut chye lu ai .

Leave a Reply

Your email address will not be published. Required fields are marked *