IDPs ramma shingni atsam sharawt masing yu ngwi shingjawng lamang ngut

IDPs ramma shingni shingni atsam sharawt masing jawngma ni a yu ngwi shingjawng lamang hpe August praw kaw nna lang hte lang shingjawng ai lam galaw ai hpang September (10) ya shana Je Yang hpyen yen dabang kaw Final hku nna galaw ngut kre la lu sai lam chye lu ai.

Ndai Final shingjawng lamang hpe lai wa sai August (27) ya shana shingjawng ai hta lata hkrum ai marai (5) matut shingjawng ai kaw na Masat (1) hpe Shadang Maji Awng Ba, Masat (2) hpe Shayi Bawk Ra hte Masat (3) hpe Shayi Lu Lu Awn ni mat ai re.

Shingjawng lamang hta masat jaw ai Tara agyi ni gaw yu ngwi ninghkring Nbwi Li Li (Jan Pan), Lahkang Myu Lett (+3), MJ Lawt hte Sara Hpauyam Awng Seng Lar ni re.

Ndai shingjawng lamang hta Top (5) shang ai jawngma ni hte ningtawn ai jawngma ni hpe pawnghpawm nna mahkawn album langai shale ya na masing nga ai.  Jawng dat ai shana hta mung jawngma ni kaw na yu ngwi pinra lamang galaw sa wa na re lam Sharin Sara Sub Komiti ningbaw Sara Hpauyam Awng Seng Lar tsun shana wa ai.

IDPs ramma shingni atsam sharawt masing jawng hpe Ginjaw lakawn lanawn (IRRC) kaw na lit la woi awn ai hte lai wa sai August (2) ya shani kaw hpaw hpang nna du wa na September (20) ya shani ngut kre na re hte sharin ginhpan hku nna Music Teory, Madum, Vocalist, Composing hte Dance ni hpe hpe sharin ya ai re chye lu ai.

Leave a Reply

Your email address will not be published. Required fields are marked *