57 Ning Hpring Wunpawng Mungdan Shanglawt Hpung Masat Ning Htoi Lamang Galaw

57 ning hpring wunpawng mungdan shanglawt hpung masat nhtoi  lamang hte Ginjaw kamati Tingnyang Up a KIO masat ninghtoi shatsam mungga madat hkam la hpawng hpe laiza muk lum, Sinpraw majoi manau wang gawk nu kaw October (25) ya jahpawt hkying (8:00)Am hta galaw ai lam chye lu ai.

Ginjaw komiti Tingnyang up Ningbaw Kaba Lanyaw Zawng Hra  a (57) ning hpring KIO masat ning htoi shatsam mungga hpe Hkamja Dap Lit hkam  Lat Du Up Jum Lahpai Hing Wawm kawn hti n dau dan ai re lam chye lu ai.

Hpawng hta Magam Dap magam gun kaji kaba, Rung shagu na magam gun ni,Ginjaw amyu shayi ni, Wun kat Jawng ma ni, Jawng sara saranum ni hte laiza Muklum kata shanu nga ai mung chying mung shawa ni sa du shang lawm ai hte ,Amyu sha shanglawt lam hta woi awn lai wa sai tingnyang up ningbaw ningla ni a matu, KIO mung masa lam yan tut nawng ngang grin nga lu na hte amyu sha ni tut nawng e madi shadaw hkan sa nga lu na matu ,KIO Tingnyang up Ningbaw Kaba Lanyaw Zawng Hra hte Ginjaw komati salang ni ngwi pyaw hkamja lu na matu hte Wunpawng amyu sha ni myit hkrum gahkyin gumdin let n gun lapyin hte a myu hte mungdan hta su hprang nga lu na matu kyu hpyi la ai  lam galaw re lam chye lu ai.

57 ning hpring Wunpawng Mungdan Shanglawt Hpung Masat ninghtoi hpawng lamang hpe wunpawng mungdan ginwang ginjaw shagu , KIA hpyen Dap Dap Ba, Dap dung shagu ,hpyen yen dabang shara shagu,Wunpawng amyu sha ni  shanu nga ai maigan mungdan shara shagu hta galaw ai re lam hpe chye lu ai.

Leave a Reply

Your email address will not be published. Required fields are marked *