Munggu na Sara yan a manghkang hte seng nna Jinghpaw Wunpawng Hkalup Hpung Ginjaw (KBC) kawn Myen Mung Gumsan Magam hpang de laika tang shawn

Myen Hpyen Dap kawn rim da ai Sara Langjaw Gam Seng hte Sara Dumdaw Nawng Lat yan hpe htawng dam jahkrat ai lam hte seng nna Jinghpaw Wunpawng Hkalup Hpung Ginjaw (KBC) kawn Myen Mung Gumsan Magam hpang de October (31) ya shani tang shawn laika sa da ai re hpe chye lu ai.

Sara Langjaw Gam Seng hte Sara Dumdaw Nawng Lat yan hpe Myen Hpyen Dap kawn 2017 ning October (27) ya shani Sam Mung dingdung daw Lashio Muklum Tara rung kaw Pukma ၁၇/၁ hte Sara Dumdaw Nawng Lat hpe htawng dam (4) ning shata (3), Sara Langjaw Gam Seng hpe htawng dam (2) ning shata (3) jahkrat dat sai re.

Ya na zawn makam masham hpung magam gun Sara yan hpe htawng dam jahkrat ai lam hte seng nna Jinghpaw Wunpawng Hkalup Hpung Ginjaw kawn Myen Mung Gunsan Magam hpang de tang shawn da ai hta hpung magam gun Saran yan hpe shata hku mara kata nta masha ni, buga hpung hte matut mahkai ai lam n galaw shangun ai sha woi da ai hpe myu sha ni hku nna nchye na ai lam, htawng dam jahkrat ai a ntsa Jinghpaw Wunpawng Hkalup Hpung Ginjaw hte myu sha ni maroi nni ai lam, ya na zawn galaw ai gaw Wunpawng myu sha ni a shawnglam hpe ahtu hkra shangun ai hte htawng dam jahkrat kau ai manghkang gaw rap ra ai lam nnga ai a ntsa myit yu  ya na hte tara ai hku hparan ya na hpe myit mada ai lam ni tang shawn da ai hpe mu lu ai.

Sara yan gaw 2016 ning December (24) ya shani Myen Hpyen Dap kawn Mung shawa ni hpe shinggyim ahkaw ahkang tawt lai ai lam shi sawk ni hpe lam madun ai lam ni galaw ai ngu nna Mye Hpyen Dap ni rim woi mat ai re hpe chye lu ai.

Leave a Reply

Your email address will not be published. Required fields are marked *