Hpakant Ginsi kaw Myen Hpyen Du langai Ma hkum kanu langai hpe mawdaw hte adawt sat

Hpakant, Ginsi, Byuhar Kawng, 101 Myen Hpyen Dap kata na Hk.M.Y (251) စစ္ေၾကာင္းမွဴး Langai, Byuhar Kawng lung wa ai lam makau kaw nga ai nta na Ma (2) a kanu, Ma hkum shata (8) re ai hpe mawdaw hte adawt sat ai lam buga masha ni shana wa ai kaw na chye lu ai.

“November (11) ya shana daw Myen Hpyen Du Aung Htet Ko gaw A Nge Lay ngu ai wa a Pajero mawdaw shap nna Byuhar Kawng kawn yu wa nhtawm nta npu kaw dung nga ai Salang Lahpai Bum Naw a ningrum ningtau jan Npawp Lu Ing, Ma hkum shata (8) hpe shang adawt sat kau da ai re. Dai Hpyen Du wa gaw tsa nang ai lam mung n nga ai majaw dasang adawt ai re ngu mu mada ai” nga nna buga masha langai tsun shana wa ai.

Ya aten Lawng Hkang tsi rung hta moi mang hpe sa tawn da sai rai nna shata gu sai hkri tung na Ma hpe mung atep dep hkye yu ai rai tim si lawm mat ai re.

Ndai manghkang hte seng nna Ginsi Byuhar Hmu gaw nta masha ni kaw nna myit ra sharawng ai hku tsun ai hpe hparan ya na lam tsun da ai hte Hpyen Du Aung Htet Ko hpe gaw Byuhar Kawng de woi mat sai re. Lawng Hkang Balik ni gaw dum nta masha ni kaw sa nna Ru Hka amu hpaw na matu tsun shadut ai lam nga ai hpe chye lu ai.

 

Photo; Salum Gindai FB

Leave a Reply

Your email address will not be published. Required fields are marked *