Myen hpyen Dap ni hte KIA hpyen hpung ni gasat gala majan byin

KIA Masat (3) Dap Ba, Masat (12) Dap Dung ginra Bang Htan Hte  Daw Nhkang Bum maga de  htu shadut lung wa ai Myen hpyen Dap Hk.L.Y (237) Dap ni hte KIA hpyen hpung November(12) ya shani poi byin ai laja lana gasat gala majan byin ai lam chye lu ai.

Daw Nhkang Bum maga de Myen hpyen Dap HK.L.Y (237) na hpyen hpung ni htu shadut lung wa ai majaw November (18) ya shani kaw nna gasat poi byin wa ai re,November (20) ya shani hta mung Man Gau kaw nna gumra (40) jan hte laknak arung arai htaw lung wa ai Myen hpyen hpung ni hpe KIA hpyen hpung ni Man Gau hte  Lahkrum hkyet lapran Hka Hpawk Yang mayan kaw laknak kaji kaba hkap shingle gasat dat ai lam chye lu ai.

KIA Masat (2) Dap Ba, Masat (14) Dap Dung ginra Mung Hkawng mare  makau kaw du nga ai Myen  hpyen hpung ni November (20) ya shani Noi Je Bum Pat Maw maga de 83MM ngu maram lu lak nak kaba ni hte (4) lang gap bang ai re lam chye lu ai.

Mung Hkawng mare kaw  Dap jung nga  ai Myen hpyen hpung ni mung November (21) hte (22) ya laman Htang Bra Pat maw kaw nga ai Mung mare masha yawng pru mat an matu n dau da ai hpe chye lu ai.

Leave a Reply

Your email address will not be published. Required fields are marked *