Wa Sara Byin Francis Myen Mung du nga sai

Wa Sara Byin Francis gaw November (27) ya shani hkying (1:00)Pm aten Yangon kaw nga ai Myen Mung Cadianal nta kaw du nga sai lam chye lu ai.

Wa Sara Byin Francis hpe Asia Mungdan na hkahtawlik nawku hpung masha law ai mungdan (50) daram saw shaga ai kaw na Myen Mungdan de sa du na matu lata ai re. Myen Mung de Wa Sara Byin sa du ai majaw Wa Sara Byin hte rau Misa Hkungga shanglawm lu na matu Myen Mung kaw na Hkahtawlik hpung masha ni gaw kabu gara let hkap tau ai lam ni galaw nga ai re.

Wa Sara Byin Francis gaw simsa lam hpe ra sharawng ai re majaw Myen Mung de sa du nna Myen Mung a simsa lam hte seng nna Myen Mung Gumsan Magam U Htin Kyaw, Myen Mung a Hpaji Jaw Salang Aung San Suu Kyi ni hte November (27) kaw na (30) ya laman hkrum zup ai lam galaw sa wa na re hpe chye lu ai.

Myen Mung shara shagu kaw na sa du ai hpung masha ni hpe Yangon Hkahtawlik nawku jawng wang kaw shara jahkrat da ya nna Wa Sara Byin Francis a Misa hpe November (29) ya shani hkam la na re.

Wa Sara Byin Fracis Myen Mung de sa du ai lam gaw No. (1) lang rai nna Myen Mung hpe simsa lam hte seng nna bawngban jahkrup na matu sa du ai re lam Wa Sara Byin tsun da ai hpe mung mu chye lu ai.

 

Photo; RVA

Leave a Reply

Your email address will not be published. Required fields are marked *