KIA hpyen hpung ni hte Myen hpyen hpung ni gasat gala majan byin

KIA Masat (11) Dap Dung ginra, Gawng Ba Bum Microwave mayan shamu shamawt nga ai Myen hpyen Dap Hk.L.Y (252,256) Dap na pawnghpawm hpyen hpung ni hpe December (30) ya jahpawt hkying (8:20)Am daram hta KIA hpyen hpung ni hkap shingle gasat dat ai kawn gasat poi byin ai lam maatut chye lu ai.
KIA Masat (3) Dap Ba, Masat (27) Dap Dung ginra Gawk Ngu Yang kawn shamu shamawt lung wa ai Myen hpyen hpung ni hpe December (30) ya jahpawt hkying (6:00)Am daram hta Nam Gat Hkaraw kaw KIA hpyen hpung ni hkap shingle gasat dat ai hpang Gawk Ngu Yang kaw nga ai Myen hpyen hpung ni Yang Wu hte Kadaw Kawng mayan de laknak kaba gap sharu bun ai rai nna jahpawt hkying (7:40)Am daram hta Loi Jau Bum Muk Wa makau hku htu shadut lung wa aim yen hpyen hpung ni hte KIA hpyen hpung ni gasat poi byin ai lam na chye lu ai.
KIA Masat (4) Dap Ba, Masat (8) Dap Dung ginra, Hu Nawng maga kawn hpyen n-gun jat lung wa ai Myen hpyen modo ni hpe December (30) ya shani hkying (12:30)Pm daram hta KIA hpyen hpung hkala hkrum ai masha law nna grup gra de sinat gap dumber bun ai majaw Mung shawa modo sara (1) hte Hkawang buga, Namgut mare na Shy.sha langai pala hkra hkala hkrum mat ai lam na chye lu ai.

Leave a Reply

Your email address will not be published. Required fields are marked *