KIA hte Myen hpyen Dap ni gasat gala majan byin

KIA Masat (2) Dap Ba, Masat (14) Dap Dung ginra,Kum Nyen Ga lahta Baluk Nawng mayan kaw nga ai Myen hpyen hpung ni hpe December (31) ya Jahpawt hkying (8:10) aten ram hta KIA hpyen hpung ni hkap shingla gasat dat ai kawn gasat gala byin ai lam shawng lam shi sawk ni shana wa ai kaw na chye lu ai.
KIA Masat (3) Dap Ba, Masat (27) Dap Dung ginra, Dung Hkung Hkyet, Marit Hkyet lapran Dung Hkung Bum, Lung Ja Nhkang kaw nga ai Myen hpung ni hpe December (31) ya shana daw hkying (1:30) daram hta KIA hpyen hpung ni sa htim gap ai kawn gasat poi byin ai re. Shana daw maga Loi Jau Bum Muk Wa makau Man Dat lam num she de Myen hpyen hpung ni htu shadut htim lung wa ai majaw Deceber (31) ya shana maga hkying (3:00) daram aten KIA hpyen hpung ni hkap shingla gasat dat ai kawn na gasat poi byin nna, KIA Masat Dung ( 27 )ginra MHH Kung ( 4 ) na hpyen hpung ni hte Lu Leng Yang maga kawn shamu shamawt lung wa Dap mying n chye ai Myen hpyen hpung n gun marai ( 20 ) daram ni Maw Swi Kahtawng Kaba Dingsa kaw ang katut gasat gala byin ai lam chye lu ai.

Leave a Reply

Your email address will not be published. Required fields are marked *