KIO Ginjaw Komiti Tingnyang Up, KIC Ningbaw Kaba magam lit ap ya ai akyu hpyi hpawng galaw

KIO Ginjaw Komiti Tingnyang Up, KIC Ningbaw Kaba Magam lit hte Wunpawng Mungdan Shanglawt Hpyen Dap Dap Up Daju magam lit ni hpe ap ya ai hpawng hpe January (2) ya jahpawt hkying (9:00)Am aten hta Laiza Muklum Padang Hkrunlam Majan Masing Woi Awn Gawknu kaw galaw la lu sai lam chye lu ai.

Hpawng lamang hta Ningbaw Kaba Usa, Salang Lanyaw Zawng Hra hpe Dap pru hkringsa ahkang lakmat jaw ai lam, Wunpawng Mungdan Shanglawt Hpung Ginjaw Komiti, Wunpawng Mungdan Shanglawt Kongsi hte Magam Dap Ginjaw Rung, Ginwang Ginjaw Komiti, Ginjaw Amyu Shayi ni kaw nna shagrau kumhpa jaw ai lam galaw ai re.

Ningbaw Kaba Usa kaw nna numhtet numra ga shaga ai hpang Ningbaw kaba Du Daju Jum Nban La kaw nna mung mungga shaga nna hpung woi sara ni akyu hpyi shaman ya ai lam galaw ai.

Ningbaw Kaba Usa Salang Lanyaw Zawng Hra gaw Shanglawt Rawt Malan magam bungli hpe (50) ning jan gun hpai lai wa ai hta hkumhkrang hkamja lam nnga wa ai majaw Magam Dap kaw nna pru hkringsa ahkang la ra mat ai re hte Wunpawng Mungdan Shanglawt hpung hpe woi awn sa wa ai hta Ningbaw Kaba Du Daju Jum Nban La gaw (6) lang ngu na Ningbaw Kaba re hpe chye lu ai.

 

Photo; Simsa Kasa

Leave a Reply

Your email address will not be published. Required fields are marked *