A Sak Si Sum Mat Ai Masha Ni Hpe Jade Land Company Kawn Bunglat Hka Jaw

Hpakan maw mau laying makau Jade Land company ni a Ga bum shingbut kaw Jannuary (4) ya shana daw hkying (3:30) aten daram hta Ga Shingbut Gyi kaput hkrum nna Asak si sum mat ai masha marai (6) hpe marai langai hta Sen Shi manga bunglat hka jaw ya ai lam chye lu ai.

Ga shingbut Gyi kaput si hkrum ai masha ni gaw mawmau bum na Shadang Seng Awng asak (23) ning, Shadang Makawng Naw asak (25) ning,Shadang Sana Gam asak (25) ning, Shadang Hkun Awng asak (26)ning, Shadang Nding Naw asak (45) ning hte  Shadang Mg, Tar Nge Asak (25) ning ni re.Shadang Nta galu Sin Wa Naw hte Htingbu Naw ni gaw Lahkra lata daw mat nna Nam Ma tsi rung kaw tsi tsi hkam la nga ai lam chye lu ai.

Si Sum mat ai masha marai (6) hpe January (5) ya shani makoi mayang kau sai re hpe chye lu ai.

Leave a Reply

Your email address will not be published. Required fields are marked *