Mung Gu Myo na salang marai (5) bawm kapaw hkrum

Mungmyit Sinli Ga,Mu Se ginwang Mung Gu Myo, kaw january (8) ya shani mungshawa marai (5) hpun sa hta ai kaw hkam bawm kapaw nna hkala hkrum ai lam na chye lu ai.

Bawm kabye hkrum ai mare masha ni hta Jinghpaw la, (4) hte Miwa la langai re, hkala hkrum ai jinghpaw la ni gaw salang Hkawng Dau, salang Dai Ze, salangYing Yaw, hte KBC na Hpungtau salang Zawng Hkawng ni re. Miwa la gaw salang Cha Lawng Hpa re hpe chye lu ai.

Man Jat Mare maga de hpun sa hta ai kaw na marai langai bawm kabye kapaw la ai hpe shada garum hkat nna lam kaba de pru wa ai kaw bawm langai bai kabye kapaw la ai re majaw tsang ra ai madang de du nga ai re nga lam na chye lu ai.

Hkala hkrum ai masha ni gaw Man Jat mare kaw shanu nga ai rai nna lai wa sai shaning hta majan byin ai majaw  Mung Gu Myo, de htawt sit shanu nga ai ni re, Miwa la wa  gaw ya ten Mang Shi tsi rung kaw tsi tsi hkam la nga ai lam matut na chye lu ai.

Man Jat mare kaw majan byin ai majaw mari ting Mung Gu Myo, de hprawng yen nga ai re, Nga, Dumsu, rem ai masha langai lahkawng ram sha mare kaw ngam nga ai re, Ya ten mare de nhtang wa mayu ai raitim mare mahkau hkan hkam bawm ni hpe hkrit ai majaw a gwi wa ai nga nna mare masha nit sun ai kaw na  chye lu ai.

Leave a Reply

Your email address will not be published. Required fields are marked *