Chyait Te Mare Hpe Myen Hpyen Dap Ni Kawn Wan Nat Kau Ya Ai Nga Nna Buga Masha Ni Tsun

Sam mung dingdung daw Chyaut Me Ginwang kata na Chyait te mare kaw majan byin ai majaw mare masha yawng hpyen hprawng yen nga ai ten Myen hpyen Dap ni kawn n ta hkan na manu dan ai arung arai ni hpe la nna mare ting hpe wan nat kau ya ai nga nna buga masha ni tsun ai re.

Mare de wan hkru ai nga shiga na ai majaw wa yu yang n ta kata hkan na mam ni mung hpa nnga sai lam, hku wat chyinghka ni mung; yawng hpaw malang da ya ai sha n-ga, gat seng hkan na Pat Bedu ni hpe mung yawng adup shaga kau ya ai hpe wa mu ai nga nna Hpunggyi langai shisawk ni hpe tsun ai kawn na chye lu ai.

Chyait Te mare wan hkru ai hte  seng nna Myen hpyen Dap na Du salang (3), Myen Balik Du langai hte  mare Up Hkang salang ni lawm rai nna shi sanglang hpawng galaw ai hta Myen hpyen Dap hku nna gaw shanhte Myen hpyen Dap kaw na galaw ai n re nga nna tsun ai sha n –ga shi sang lang hpawng de sa du shang lawm ai masha ni yawng hpe mung ta masat htu shangun ai lam galaw ai nga nna mare uphkang salang langai tsun ai.

Chyait Te mare kaw n ta htinggaw (80) nga ai rai nna mare masha gaw (500) daram nga ai re. Mare masha ni gaw lai wa sai 2017 ning December (27 )ya shani Myen hpyen Dap hte TNLA hpyen hpung ni majan byin ai majaw Chyuat Me Myo de December (30) ya shani mare ting hpyen koi yen mat ai re lam chye lu ai.

Leave a Reply

Your email address will not be published. Required fields are marked *