MRJ hte KDNG ni woi awn let Mali Zup wan jak madim hte seng nna bawngban hpawng galaw

MJR hte KDNG ni woi awn nna Aung Min Tar mare RC nawku jawng wang kaw January (29) ya shani Mali Zup wan jak madim a majaw gawt kau hkrum ai mare masha ni hte hkrum zup bawngban hpawng galaw ai lam na chye lu ai.

“Ndai hpawng hta Mali Zup wan jak madim hpe Mung shawa ni myit nhkrum ai kaw galaw ai re majaw lu hkra ning hkap sa wa na re, Wunpawng amyu sha ni a sut nhprang hpe hkra machyi shangun ai ganing re ai bungli ni hpe mung matut nna ninghkap sa wa na re” nga nna MRJ ningbaw Sr. Lashi Awng Lat tsun ai.

Ndai hpawng hta mare na gawt kau hkum ai buga masha ni hte mare masha ni yawng (200) daram sa du shang lawm ai re, Mali zup Wan jak madim hpe ninghkap ai lam, n-gun madun ai lam ni lang hte lang galaw lai wa sai re hpe mung chye lu ai.

 

Photo; KDNG

Leave a Reply

Your email address will not be published. Required fields are marked *