Myusha Online Garum Hpung ni Maga Yang hpyen yen dabang Ma shalet jawng de sa du garum

Myusha online garum hpung kawn February (3) ya shani Online ntsa kaw na hta shinggyin la lu ai alu ja gumhpraw ni hpe Maga Yang hpyen yen dabang na Ma shalet jawng de sa du garum la lu sai lam na chye lu ai.

Ma shalet jawng a matu Nga Chyu, Jum Dwi, Jan Daga, Tagu, Shakau Hpraw, Shakau Hkyeng, Sau, Jung Shadung, Jung Hkau Soi hte alu ja gumhpraw Yun 2000 hpe sa garum da ai lam myu sha Online garum hpung a Amu madu Jan Ja Seng Pan  tsun ai.

Lai wa sai ten hta mung Pa Jau mare kaw machyi makaw hkrum ai ni hpe sa gawan ai hta jai lang na matu Cycle langai hpe sa du garum da lu sai hte yak hkak hkrum nga ai shara n kau hta mung sa du garum la lu sai re hpe Jan Ja Seng Pan matut tsun da ai.

Myusha Online garum hpung hpe hpaw ninghtan wa ai gaw shata mali hpring sai re matut nna mung Wunpawng mungdan shara sahgu na yak hkak hkrum nga ai hpyen yen dabang ni de mung sa du garum na re nga nna Myu Sha Online garum hpung ni tsun  ai.

Leave a Reply

Your email address will not be published. Required fields are marked *