58th lang na Rawt Malan Masat ninghtoi zuphpawng hte magam gun ladaw 50 ning hpring shagrau sha-a hpawng galaw

58th lang na Rawt Malan Masat Ninghtoi hte Magam gun lawdaw 50 ning hpring shagrau sha-a hpawng hpe February (5) ya jahpawt hkying (8:00)Am ate Laiza Muklum, Padang hkrunlam majan masing woi awn Rung Daju kaw galaw la lu sai re.

Wunpawng Mungdan Shanglawt Hpung Ginjaw Komiti Tingnyang Up, Wunpawng Mungdan Shanglawt Kongsi Ningbaw Kaba, Wunpawng Mungdan Shanglawt Hpyen Dap Dap Up Daju Du Daju Jum Nban La kawn 58th lang na Rawt Malan Masat Nhtoi mungga jaw ya ai hta Wunpawng amyu sha yawng myit hkrum kahkyin gum din ra ai lam, Mung masa manghkang hpe mung masa bawngban ai ladat hte hparan sa wa ra ai lam, ta tut mai jai lang ai masa lam hpe madung hpaji jaw sa wa na lam mungga jaw ya ai re.

Hpawng hta shawnglam rawt malan hkrun lam a matu hte amyu sha rawt malan magam bungli hta magam gun ladaw 50 ning hpring, 40 ning hpring, 30 ning hpring, 20 ning hpring hte 10 ning hpring sai magam gun ni hpe mung laksan kyu hpyi ya ai lamang galaw nhtawm magam gun ladaw 50 ning hpring ai ni hpe Wunpawng Mungdan Shanglawt Hpung Ginjaw Komiti Tingnyang Up, Wunpawng Mungdan Shanglawt Kongsi Ningbaw kaba, Wunpawng Mungdan Shanglawt Hpyen Dap Dap Up Daju Du Daju Jum Nban La kawn shagrau sha-a masat lekmat hte Ja dakhkama jaw shagrau ya ai re, magam gun ladaw 40 ning, 30 ning, 20 ning hte 10 ning hpring ai ni hpe mung shagrau sha-a  lek mat jaw ya ai lamang hpe mung galaw la lu sai re.

58th lang na rawt malan masat nhtoi hta magam gun ladaw 50 ning hpring ai marai (4), 40 ning hpring marai (59), 30 ning hpring marai (128), 20 ning hpring marai (219) hte 10 ning hpring marai (588) re hpe chye lu ai.

Ndai Rawt Malan Masat Nhtoi lamang hpe Ginwang Ginjaw Komiti shagu hta mung galaw ai rai nna Wunpawng amyu sha ni shanu shingbyi nga ai Maigan  mungdan shagu law law hta mung galaw ai re hpe chye lu ai.

 

Leave a Reply

Your email address will not be published. Required fields are marked *