KIA Masat (2) Dap Ba hte Masat (3) Dap Ba ginra kaw gasat gala majan byin

KIA Masat (2) Dap Ba, Masat (14) Dap Dung ginra Lapu Hka maga de February (6) ya shani hkying (9:00)Am daram kawn Myen hpyen hpung ni htu shadut htim gasat wa ai majaw KIA hpyen hpung ni hte laja lana gasat gala majan byin ai re lam shawnglam shi sawk ni shana wa ai kaw na chye lu ai.

Tsan Lun hte Nyaung Pin Kung lapran htim gasat shang wa ai Myen hpyen hpung ni hte mung jahpawt hkying (7:45)Am daram hta KIA hpyen hpung ni hkap shingla gasat dat ai nga ai.

February (5) ya shani hkying (2:30)Pm daram hta KIA hpyen hpung ni nga ai Chyasam Hka hpyen man, Woi Jin Hka maga de Myen hpyen hpung ni htu shadut lung wa ai majaw KIA hpyen hpung ni hkap shingla gasat dat ai kawn gasat gala byin ai lam shawng lam shi sawk ni shana wa ai.

KIA masat (3) Dap Ba, Masat (27) Dap Dung ginra Maji Gung kaba de htu shadut lung wa ai Myen hpyen hpung ni hpe February (6) ya shani Maji Gung kaba hte Zaibru hkyet lapran kaw KIA hpyen hpung ni hkap shingla gasat dat ai kawn laja lana gasat gala byin ai re.

Leave a Reply

Your email address will not be published. Required fields are marked *