Putao Kaw Jak Sau Hte Gun Rai Manu Rawt Nna Mung Mare Masha Ni Yak Hkak Nga

Putao kata kaw jak sau hte gunrai manu gaw lani hte lani grau grau rawt wa ai rai nna 1 Liter kaw Jak sau manu (8000) daram du wa ai majaw Mung shawa ni hkwm sa hkawm wa yak hkak nga ai lam chye lu ai.

Ndai zawn jak sau manu rawt wa ai gaw lai wa sai shata kaw na Myen Hpyen Dap ni KIA Masat (1) Dap Ba Uphkang ai ginra de htu shadut htim gasat wa ai majan a majaw Sumpra Bum lam de gun rai htaw modo ni ndu shang mat ai majaw Jak sau manu hte gun rai manu rawt wa ai re nga nna  Sara Tu Raw shana wa ai.

Jak sau manu sha n-ga Jum ni mung shawoi na hta grau rawt wa nga ai re, ya na zawn gun rai manu rawt ai gaw Putao myo sha n ga Machang Baw, Nog Mung hte dai grup yin mare kahtawng  shagu byin nga ai rai nna ya ten Putao Myo uphkang Salang ni kawn jak sau ni hpe n dut na matu gan jahkring da ai re hpe Sara Tu Raw kaw na chye lu ai.

 

Photo; Tu Raw

Leave a Reply

Your email address will not be published. Required fields are marked *