Myen Hpyen Hpung Ni Mara Kata Mung Mare Masha Ni Hpe Rim Woi Mat

KIA Masat (3) Dap Ba, Masat (27) Dap Dung ginra, U Lang Pa Ginwang Daw, Je Sawn mare lup wa kawng hku shamu shamawt lung wa ai Myen Hpyen Dap Tatma (77) kata na hpyen hpung ni gaw February (9) ya shani Je Sawn Hkauna Pa kaw bungli galaw nga ai salang Maung Sam hpe rim woi mat nna gumra (20) daram hte matut shamu shamawt hkawm mat ai re, lai wa sai shata kaw nna KIA Masat (27) Dap Dung ginra de Myen hpyen hpung ni laja lana htu shadut htim gasat shang wa ai majaw Mung mare masha ni yi sun, hkau na galaw lu galaw sha yak hkak nga ai aten bungli galaw sa ai Mung mare masha ni hpe mung ya na zawn Myen hpyen hpung ni mara kata rim woi mat ai lam lang hte lang nga lai wa sai re hpe chye lu ai.

KIA Masat (4) Dap Ba hte Masat (6) Dap Ba ginra ni hta majan matut manoi naw byin nga ai majaw Mung shawa ni myu mare kaba shing nrai Myo mare kaba hte tsan ai ni gaw Nam kata hkan hprawng koi yen nga ra ai re, lai wa sai February (9) ya shani hta mung Nawng Nga mare makau kaw TNLA hpyen hpung ni hte Myen hpyen Dap ni gasat gala majanĀ  byin ai majaw Nawng Nga mare, Hpa Hping mare, Sai Hkau mare, Ta Hkai mare grup yin na Mung shawa hting gaw (162), marai (843) gaw Nam Hpak Ka mare hte Mung Yu Mare ni de hpyen koi yen nga ai lam buga masha ni shana wa ai.

 

Leave a Reply

Your email address will not be published. Required fields are marked *