Ulang Pa Giwang Daw kata na mare kahtawng n kau mi hpe Myen Hpyen Dap ni pat hkum gai wang masat

KIA Masat (27) Dap Dung ginra, Ulang Pa Ginwang Daw, Mung Hkawng mare kaw Dap jung nga ai Myen Hpyen Dap ni gaw  Laika mare, Zup Ja mare, Hka Wan Pa mare, Je Sawn mare, Mung Lu mare, Hpaga Rai mare, Kung Hka Pa mare, Hka Pra yang mare, Nam Hpu mare hte  Mahkaw Yang  mare ni hpe pat hkum gai wang masat n htawm February (10) ya shani jahtum tawn nna mare masha ni hpe mare kahtawng kata kadai n nga lu  na lam tsun n dau da ai hpe ginra masha ni shana wa ai kaw na chye lu ai.

Mare masha ni hpe tinang dum n taa na manu dan ai arung arai ni hpe hkang zing la nna  yawng Mung Hkawm mare de htawt sit nga na  matu matsun da sha n-ga pat hkum da  ai gaiwang de mare masha  ni tam lu tam sha hkawm ai lam tsep kawp n galaw na matu tsun shadi jaw da ai lam ni mung nga ai. Rai tim mare masha ni gaw tinang a yi sun hkau na, du sat yam nga ni  hpe tawn kaw da nna htawt sit htawt la mat wa na matu nau yak hkak nga ai majaw mare kata kaw naw nga taw ai re. Myen Hpyen Dap ni kawn ya  na zawn matsun wa ai  majaw dai ginra ni hta majan bai laja wa na hpe mung  mare masha ni hkrit tsang nga ma ai hpe chye lu ai.

Leave a Reply

Your email address will not be published. Required fields are marked *