PUNGGA SIN WA AWNG TSUN AI MANAU

“Manau” ngu ai gaw, Jinghpaw Wunpawng (Kachin) ni a matu Karai Kasang hpe Kamsham jawjau,Chyeju shakawn ai lam ni hta e,kaba dik , hkikhkam dik ai lamang rai nga ai. “Manau hpe e, Sumsing Matsaw Ningtsa Lamu kasa ,Jan Shata ni shawng Nau hpang ai re. Dai Sumsing Manau hta e, Hpan Wa Ningsang Chye Wa Ningchyang gaw, Manau Jaiwa ya sai re. Satan Matse labye nat ni ndai Sumsing Manau hta n shang lawm lu ai. Chyoipra sanseng nna, Karai Kasang a salung sala Lamu kasa ni sha lu shang lawm ai re. Dai hte maren, Shinggyim masha ni rai nga ai Jinghpaw Wunpawng sha ni a Manau hta mung. Satan Matse Labye tsepkawp n mai shanglawm ai re. N lu shanglawm hkra mung Hpan Wa Ningsang Chye Wa Ningchyang a Amying ningsang hpung shingkang hte Satan Matse labye ni hpe gau kau ai lam shawng galaw ai re. Hpa majaw nga jang ,Manau hkringhtawng gaw ,Sumsing Karai Kasang kaw na lu la ai re majaw,Hpan Ningsang Karai a mtsun mungga hte hkrak Manau nau ra ai re. Manau nnau jang gaw.Jinghpaw Wunpawng sha ni KaraiKasang hte nhtan shai wa sai re. Shawng nnan “MANAU”ngu ai Ga si a lachyum hpe shawng chye ra na re. Sumsing Lamu Madu Karai Kasang hpe Jinghpaw Wunpawng sha ni gaw,”MUQ” ngu nna mung shaga ai re. Dai rai nna, “Muqnau “ngu tsun ai kaw na aten na wa ai shaloi ,lawan tsun wa ai shaloi MANAU ngu bai tsun wa ai lam re. Muq Nau ngu ai a lachyum gaw,Hpan MaDu Karai Kasang hpe jawjau shakawn Kungdawn Shaman chyeju hpyi ai” ngu lachyum re. “Manau”poi gaw grai sanseng chyoipra ra ai re. Daizawn Sanseng chyoipra ra ai majaw,tau hkrau nna ,jasan jaseng shachyoi shapra ai lam ni galaw ra ai re. MANAU poi de sa du mai ai Lam Numbrawq yawng .Lam kaba ni yawg hpe KaraiKasang kaw apnawng nna shachyoi shapra nna Shimlam du hkra apnawng da ra ai re. Dai hpang MANAU poi hta lu na Hkaq hpe mung laksan apnawng nna shachyoi shapra da ra ai re. Bai nna.Matse labye,Saqwa.Jahtung.sawn ,maraw ni yawng hpe Gwi ni htau jaw nna Toi kau ai lam ni galaw ra ai. MANAU POI de nsa na matu .dingbai dingna nsa jaw na matu Hpan Ningsang Karai a Amying Ningsang hte Satan Matse Labye ni hpe jahkrit kau ra ai re. Lamu ganghkau shimlam hpe gaw, Lamu kasa ni rai nga ai, Ningsheq la.Matsaw, ni hpe apnawng da ra ai. MANAU Jaiwa ai gaw Chyum laika hti ai re.
Dumsa ai gaw.Karai Kasang hte htinglu htinglai matut mahkai Akyu hpyi ai wa re.
Hkinjawng galaw ai ni gaw,Karai Kasang hpe jaw jau ai hkungga hpe lajang ai ai .Ndai prat hta gaw, Alu lahkawn Alu sak apnawng ai ni rai nga ai.
Dai majaw Jinghpaw Wunpawng sha ni a MANAU hta e

*Chyumlaika hti Labau htik ai lam lawm ai.
*YU NGWI NSEN (Music) lawm ai.
*Akyu hpyi ai lam lawm ai.
*Mayu Dauma, Kahpu Kanau,
makyin jinghku manaw manang ni hte hkrumzup lu ai (fellowship) mung lawm ai re,
*Shingni Ka manawt mung lawm ai re.
MANAU nau ai Amyu hpe she Kachin ajet ngu ai re,

MANAU SHADUNG ngu ai gaw.Sumsing Karai kaw hkrang ai Masat shadaw ngu ai re.

Sumsing de hkrang ai hpe gaw SHADUNG ngu tsun ai.
Shadung kaw kap ai Masat kumla ni yawng Labau Laika hpe kumla shapraw da ai re.
Dusat yawng hpe Jinghpaw Wunpawng sha ni Uphkang ai re.

Dusat nawq ai n re.
Baren Sumla shakap ai lam gaw, Mungdan Lamu ga lu ai sakse re.

Tinang a lamu ga tinang up ai ni sha Baren sumla shakap ai,
Jinghpaw Wunpawng sha ni gaw. Baren hpe bau nna shangun sha wa ai Amyu ni she re .

Baren hpe n hkrit ai ni. Baren a npu kaw nnga ai Amyu ni re.
Manau hpe hkrit ai Jinghpaw Wunpawng sha gaw.. Satan a masha tai sai re.

Hpa majaw nga jang MANAU gaw Karai Kasang hte seng ai re.

Tinang gaw hpabaw Amyu re pyi n chye, tinang a labau mung n chye rai nna, Amyu shamyit ai sasana ajet n re ai masing hta sa shang lawm nna, chyumdaw ni hpe tinang wau mayu ai hte hpe shawq shakrai la rai shat tam sha hkawm ai ni gaw, MANAU daram madang tsaw ai Karai masa hpe gara hku mung ndang dep ai re.

Tinang she ndep yang, majoi tsun jahpyak re ai Nabai ni grai nga ai hpe sadi ga!
Daizawn re ai Satan a salung sala ni hpe shamyit kau lu na matu yaw shada let.

Pungga Sinwa Awng
Shanhpyi laika Researcher.

Leave a Reply

Your email address will not be published. Required fields are marked *