Kachin hpyen yen Mung shawa ni hpe garum na matu Rapdaw kaw tang madun

UK Asuya kawn Kachin hpyen yen Mung shawa ni hpe matut garum na matu ahkyak ai lam March (14) ya shani Salang Shadan Hkanhpa Tu, Laksan UK Rapdaw hpawng hta sa du tang madun da lai wa sai re.

UK Asuya Laksan Rapdaw a International Development Committee hpawng hta UK Rapdaw kawn lit la galaw nga ai Bangladesh Mungdan na DFID’s bungli masing hte seng ai lam, Rohingja manghkang hte Seng ai lam, Myen mung kata na shinggyim ahkaw ahakang tawt lai ai manghkang hte seng ai lam ni hpe madung bawngban ai re.

Ndai bawgban hpawng hta Mungkan shingyim ahkaw ahkang hpung Fortify Rights na David Bualk hte The Kachin Relief Fund-UK na Salang Hkanhpa Tu gaw sakse hku nna sa du shanglawm bawngban ai re. Salang Hkanhpa Tu kawn Kachin IDP ni hpang de Mungkan garum ningtum ndu lu ai daram re majaw UK Asuya kawn garum ningtum jaw ya na matu ahkyak ai ngu tang madun da ai sha n-ga UK Asuya kaw nna Myen Hpyen Dap hpe simsa lam a matu garum jaw nga ai Peace fund gaw ta tut hta simsa lam hkrang nlu shapraw ai  sha  Rudi amyu sha hte Kachin ni a ginra ni hpyen majan grau laja wa ai hte shinggyim ahkaw ahkang tawt lai ai lam mung grau grau law jat wa ai majaw Myen Hpyen Dap hpe garum jaw nga ai peace fund garum gumhpraw hpe mung dawm kau ya na matu tang madun da ai re.

Leave a Reply

Your email address will not be published. Required fields are marked *