Sumpra Bum Grup Yin Na Maung Mare Masha Ni Hpe Myen Hpyen Hpung Ni Laja Lana Jahkrit Shama

Mung Mare Masha ni Yi hkyen shakre la ra ai ten Myen hpyen dap ni kawn mung shawa ni hpe gara de nmai sa hkra jep jahkrit shama ai lam galaw ai majaw mung shawa ni gaw yi hkyen nlu shakre la na hpe hkrit tsanag nga ma ai re.March 14 ya shani Hka garan Mare na Mungshawa Hting Gaw lahkawng gaw yi sa wa ai  lam kaw Hka garan Mare Kaw Dap Jung Nga Ai Myen Hpyen Dap kawn sinat ni hte mung gap jahkrit ai lam buga masha ni shana wa ai.

March 12 ya shani hta mung Putao kaw na Sumpyi Yang Mare de yu wa ai Salang N Htat Tu Ja hpe labu palawng yawng raw kau ya nna sinat hte gap jahkrit shama ai lam March 14 ya shani hkying 4:00 PM daram hta Hkyindu Yang Mare Na Salang Nga Mai ,Sum Pyi Yang Mare Na Salang Hta Pa Yaw ,Salang Hkyin Jawng Brang Mai ,Salang N Htat Naw Ja Ni Hpe Sumpyi Yang Hte Lung Sha Yang mare lapran kaw shara jahkrat nga  ai Myen hpyen hpung ni kawn rim woi mat nna ya aten du hkra shiga n na lu shi ai re.

Lai wa sai March 11 ya shani kaw nna Sumpra Bum Mare, Su Yang Mare Hte Hka garan Mare Hkan Na Mung Mare masha ni gaw mare num shang Pyen Dau pyi nmai lai hkawm hkra hpyen dap kawn hkum pat daai re, mung mare masha ni yi hkyen nlu shangut shi ai mung mare masha ni galaw lu galaw sha mare shinggan de hpun hta shat mai tam sa na mung Myen Hpyen Dap kaw nna madi shadaw lakmak la na she hkawm sa ra ai madang re lam buga masha ni shana wa ai kaw na chye lu ai.

Lai wa sai March 14 ya shani hta mung Myitkyina Hte Sumprabum Lapran Modo lam kaw shara la nga ai Myen Hpyen  D.T.Ts (7) Dap Na Hpyen Hpung ni Htiungbai Mare Hte Kawng Ja Mare de laknak kaba gap bun ai hta Mung Mare Masha ni a nta makau hkan laknak kaba si ni hkrat bun ai majaw Mung mare masha ni grai hkrit tsang nga ma ai lam na chye lu ai.

Leave a Reply

Your email address will not be published. Required fields are marked *