Tara Shang Saw Shaga Yang Tsaban (21) Panglung Zuphpawng De FPNCC Hpung Malawm Yawng Shang Lawm Na

Asuya kaw nna tara shang saw shaga ai lam nga yang (3) lang na tsaban (21) Panglung Zuphpawng de FPNCC Hpung malawm yawng shang lawm na re nga nna FPNCC hpung a ndau laika kaw na mu chye lu ai.

March shata (26) ya shani kaw na (28) ya shani du hkra Wa Mung Ginjaw Pang Hkam kaw galaw ai zuphpawng hta FPNCC hku na Asuya kaw na tara shang saw shaga ai rai yang gaw zuphpawng shanglawm na re lam hte zuphpawng sa ai ni a shim lam hpe Miwa Asuya kaw nna lit la garum ya na matu mung hpyi shawn da ai hpe zahpawng a ndau laika hta mu chye lu ai.

Ndau laika hta ya yang na byin nga ai Mungsa hte Simsa lam masa ni a ntsa bawngban jahkrup ai lam ni galaw nna Myen Mung a Simsa Lam hte seng nna Miwa Asuya kawn shang lawm ai lam gaw grau ahkyak nga ai lam, march (28) ya shani Gumsan Magam Aya Lata hkrum ai U Win Myint hpe hkap tau ai hte Matut nna sa wa na Simsa lam hte seng ai lam ni hpe mung Gumsan Magam Ningnan hte ta gindun galaw sa wa na lam ndau laika hta mu chye lu ai.

FPNCC Zuphpawng hta KIO, ULA, PSLF, MNTJP, SSPP, PSC (Mai La ) hte WA (UWSA) Hpung ni kaw na Dat Kasa Salang marai (20) sa du shang lawm bawngban lai wa sai re hpe chye lu ai.

Leave a Reply

Your email address will not be published. Required fields are marked *