Hugawng Danai Jau Ginwang sasana shang (50) ning hpring Ja Jubali poi galaw

Hugawng Danai Jau Ginwang sa sana shang ai (50) ning hpring Ja Jubali poi hte tara hkaw sara marai (25) ning hpring gumhpraw Jubali poi lamang hpe April (9 -12) ya shani du hkra Danai San Patrick  nawku jawng wang kaw galaw na re hpe chye lu ai.

April (9) ya jahpawt hta poi wang hpaw lamang hte hpaw hpang manau hpe galaw la lu sai re.

April (10) ya shani hta gaw Karai magam gun tara hkaw sa marai (5) a (25) ning hpring gumhpraw Jubali hte gawgap la lu sai San Patrick Mungbawng htingnu hpaw poi misa hkungga galaw na re hte Jubali madu ni hpe kumhpa shagrau ai lamang galaw na lam hte shana maga de gaw Manau nau na lamang ni nga ai lam Sara Naw Tawng shana wa ai.

“Hugawng ginra hta majan ni byin nga ai re majaw hkawm sa hkawm wa ai lam hta jep joi ai lam ni, shawoi hta grau na tsun jahkrum la ra ai lam ni nga ai raitim anhte Mungdan, anhte buga, anhte Myu sha ni hpyen majan kaw na lawt wa nna ngwi pyaw ai, sim sa ai myit mada da ai pangdung de Karai Kasang a chyeju hte du wa u ga ngu yak hkak ai lam law law kaw na Jubali poi lamang hpe galaw ai re” nga nna mung Sara Nawng Tawng matut tsun ai ai hpe chye lu ai.

Ndai poi hta Myitkyina, Man maw, Hugawng ginwang hkan na ni yawng marai (4,000) daram du nga sai lam hte masha marai (8,000) daram du wa na re lam hpe na chye lu ai.

 

Photo; KahtawLik Shiga-Danai

Leave a Reply

Your email address will not be published. Required fields are marked *