Lai Law Lagat Bum Hpe Kyuhpyi Bum Ngu Masat

Manmaw Ginwang Lai Law Lagat Bum kaw gawgap la lu sai Kyuhpyi bum shara hte Udang shagrau akyuhpyi ap nawng hpawng hpe lai wa sai April praw (6)ya shani galaw la lu sai lam na chye lu ai.

Kyuhpyi Bum hpe Kai Htik Lai Law kaw nga ai Buga hpungmasha ni yawng hpyen koi yen ai aten hta raitim Karai a chyeju akyu ara hpe tut hkam la lu na matu yaw shada nna, lai wa sai March shata praw 8ya shani kaw na galaw hpang wa ai re lam Lai Law mare woi awn komiti Slg Nbrang Naw Grawng tsun ai.

Chyeju shakawn hpawng hta Miwa Mung Jan Shi kaw na WaJau Josep Sun Jing mung sa du lawm ai rai nna Sinpraw Ginwang Ginjaw kaw na magam gun Slg ni mung sa du chyeju shakawn shanglawm ai lam nga ai re.

Du sa ai shawa yawng gaw marai 400 daram re hte Yungwi shayi shadang ni mung yungwi mahku hte sa du shanglawm shangwi shapyaw la lu sai lam Buga masha ni shana wa ai.

 

Leave a Reply

Your email address will not be published. Required fields are marked *