Sadung Hku Naw Lang mare kaw Karai mungga nhtoi lu (75 )ning hpring Jubeli chyeju shakawn hpawng galaw

Waimaw Ginwang Sadung Hku Naw Lang Mare kaw Karai mungga nhtoi lu ai (75) Ning hpring Lung Seng Jubeli chyeju shakawn hpawng hpe April praw 8ya shani kaw na April praw (10)ya laman galaw la lu sai lam nga ai.

Praw 8ya shani hta Jubeli poi hpaw lamang hte Mara raw akyuhpyi hpawng hpe galaw nna, Praw (9) ya shani gaw (75) Ning Hpring Jubeli Gawknu Htingshawn chyeju shakawn hpawng galaw ai lam, Praw 10ya shani hta gaw Karai mungga nhtoi lu ai (75) Ning hpring Lungseng Jubeli chyeju shakawn hpawng hte Jubeli hkam Hpt. Lagwi Bawm Hkaw, Hpt. Nhkum Tang yen a Hpt. magam gun (25) ning hpring Jubeli chyeju shakawn hpawng hpe mung kapyawn galaw ai lam chye lu ai.

Jubeli chyeju shakawn hpawng ngut ai hte rau Wunli la Manau nau ai lam galaw ai re. Lai wa sai 1994 ning hta mung (50) ning Ja Jubeli chyeju shakawn hpawng hpe galaw lai sai hpe buga Salang langai shiga jaw ai kaw na chye lu ga ai.

 

Leave a Reply

Your email address will not be published. Required fields are marked *