Myen Hpyen Dap ni KIO ginra shagu de laknak kaba gap bang

KIO Ginjaw Laiza makau grup yin hte KIO ni nga ai ginra shara shagu ngu na daram hta April (11) ya shani 2:00Pm aten, Myen Hpyen Dap ni Laknak kaba gap bang ai lam nga ai rai nna, Laiza makau Lawa Yang mare na Mung shawa ni nga ai shara de mung Laknak kaba gap bun ai majaw Mung shawa si hkala hkrum ai lam nga ai re.

KIA Masat (2) Dap Ba Daju, Awng Lawt mare hte Masat (11) Dap Dung, Kasung kaw mung Myen hpyen Jet nbungli ni wa htim gap nna laknak kaba ni hte mung matut manoi gap bun ai re.

Sinpraw Ginwang Ginjaw, Sin Lum Bum Ginwang daw Munghka Pa Ninghtawn Hpri Di mare makau kaw mung Myen Hpyen Dap ni gap dat ai Lak nak kaba si (19) lang matut manoi wa hkrat nna mare masha ni mare shingan de  gan hprawng yen ra mat ai re. Mabyin hkum tsup hpe matut sagawn nga ai lam buga masha ni shana wa ai.

 

Leave a Reply

Your email address will not be published. Required fields are marked *