Nhkum Hpunau Ni Myithkrum Dairun Sut Manau Poi Galaw.

Nhkum Hpu Nau Myit Hkrum Dairun Sut Manau hpe Nba Pa Buga Hprang Ja mare Hkum Ja Nau Ra Bum kaw April 8ya shani kaw nna April 11ya shani du hkra galaw la lu sai re.

“Nhkum myu ni gaw Nhkum Tu Yau ngu ai wa a kashu kasha matu mara ni re.Nga shara ginra shai ai majaw Htinggaw mying ni shai hkat ai raitim Nhkum myu ni yawng gaw hpu nau ni hkrai re ngu ai hpe chye na myit dum gahkyin gumdin nga na matu ndai hpawng hpe galaw ai re” nga nna Hpawng shabyin shatai woi awn ai Komiti Slg Sr Patrik Lahkang Naw tsun ai.

Lai wa sai 1993 ning kaw nna Nhkum Amyu Lakung ni a hkrumzup ai hpawng hpe shaning shagu galaw nga ai rai nna 2010 ning na hkrumzup hpawng kaw Sut Manau nau hpaw hpang nhtawm, daining galaw ai Nhkum hpunau myithkrum hpawng (25) ning hpring  hta Sut Shagup manau hpe nau sai re hpe Sara matut tsun ai kaw na chye lu ai.

Hkrumzup hpawng byin tai na matu Nba Pa Buga kaw nga ai Nhkum hpu-nau ni madu tai woi awn zinlum ai rai nna Hprang Ja mare Hkum Ja Nau Ra Bum kaw shaning shagu hkrumzup hpawng ai hpe mung chye lu ai.

Ndai Hpunau hkrumzup hpawng kaw Wunpawng mungdan sinpraw sinna dingdung dingda kaw na du sa wa ai hpunau ni hte Miwa mung kaw na du sa wa ai hpu nau ni yawng pawng marai 3000 daram sa du zup ai lam nga ai re.

Leave a Reply

Your email address will not be published. Required fields are marked *