Myen Hpyen Dap ni mare de laknak kaba gap bang ai majaw, Mung masha marai (1) si, (1) hkala

Lidu lam mayan rai nga ai Maran Kahtawng lai, Dum Bung Hka kau N’dang Ju Kawng kaw shara jahkrat nga ai Myen Hpyen Dap Hk.L.Y (298) na hpyen hpung ni hte KIA Masat (11) Dap Dung kata na hpyen hpung ni April (13) ya jahpawt hkying (5:00)Am aten kaw nna hkying (5:50Am) aten laman gasat gala majan byin ai lam na chye lu ai.

Gasat gala byin ai aten, Myen Hpyen Dap ni hku nna Dum Bung mare kata de 60MM laknak si gap bang ai hta Salang N’ru Yaw San ( ေက်ာ္ျမင့္ဦး) a nta kaw wa hkrat hkra ai majaw, Salang N’ru Yaw San (ေက်ာ္ျမင့္ဦး) a magyi pawt kaw laknak si hkyep hkra nna kalang ta nnga mat ai, madu jan rai nga ai Jan Hpaujung Htu San dangbau kaw laknak si hkyep hkra hkala sawng ai majaw Myitkyina tsi rung kaba de tsi tsi hkam la na matu Dum Bung mare Salang ni hte sa wa sai re lam na chye lu ai.

Leave a Reply

Your email address will not be published. Required fields are marked *