KIA Masat (2) Dap Ba ginra hta gasat gala byin

KIA Masat (2) Dap Ba ginra de April (11) ya shani kaw nna Myen Hpyen Dap ni hpyen n-gun kaba hte bai htu shadut htim gasat wa ai majaw gasat gala majan matut manoi byin nga ai re, April (13) ya jahpawt manap hkying (5:00)Am daram hta mung KIA Masat (11) Dap Dung ginra Lido lam Maran kahtawng lai Ting Rat Zup, Sama Lam Nbraw, N Dang Ju Kawng kaw KIA hpyen hpung ni hte Myen Hpyen Dap Hk.L.Y (298) na hpyen hpung ni gasat gala byin ai re.

April (12) ya shani hkying (11:30)Am daram hta mung KIA Masat (11) Dap Dung ginra Mu Gawng hka kau Ting Hpra Bum makau mayan hku shamu shamawt lung wa ai Myen hpyen hpung ni hte KIA hpyen hpung ni gasat gala byin ai lam na chye lu ai

KIA Masat (2) Dap Ba ginra Nawng Nyang Post maga de htu shadut htim gasat lung wa ai Myen Hpyen hpung ni hte mung April (12) ya jahpawt hkying (7:15)Am hta KIA hpyen hpung ni hte gasat gala byin ai lam na chye lu ai.

KIA Masat (6) Dap Dung ginra Hka San Hka hte Tau Bren Hka mazup hku shamu shamawt lung wa ai Myen Hpyen Hpyen hpung ni hte KIA hpyen hpung ni April (12) ya shana daw hkying (5:20)Pm daram hta gasat gala byin ai re, KIA Masat  (6) Dap Dung Lai Nawng Hku maga de April (11) ya shani kaw nna Myen Hpyen hpung ni laknak kaba ni gap bang ai hte hpyen n-gun kaba hte htu shadut lung wa ai majaw Lai Nawng Hku mare hkan na Mung shawa ni hprawng yen ra mat ai lam na chye lu ai.

KIA Dap Nawng Daju kata na Masat (254) Dap Nawng Dap Dung Ginra, Galang Ja Pa kaw mung April (12) ya shani hkying (8:00)Am daram hta KIA hpyen hpung ni hte Myen Hpyen Dap Hk.L.Y (93) na  hpyen hpung ni gasat gala byin ai re, April (13) ya jahpawt manap hta gaw Myen Hpyen Dap ni kawn KIO Ginjaw makau grup yin de laknak kaba (10) lang daram gap bang ai lam na chye lu ai.

Leave a Reply

Your email address will not be published. Required fields are marked *