Hpyen koi yen Mung masha ni hpe majan byin ai shara de lam madun na matu woi hkawm

Lai Nawng Hku kaw na Chaung Wa (ေခ်ာင္းဝ) de hprawng yen wa ai Mung masha ni hpe Myen Hpyen Dap ni hkum pat da ai rai nna n-gun rawng ai La nkau mi hpe nam de lam madun na matu ngu nna woi hkawm nga ai lam buga masha ni shana wa ai kaw na chye lu ai.

“La nkau mi hpe nam de lam madun na matu woi hkawm ai, Phone matut mahkai galaw yang gap sat kau na ngu mung tsun jahkrit ai. Chaung Wa (ေခ်ာင္းဝ) kaw chyat rawng nga ai ni hpe shapraw ya na matu nga nna April (15) ya shani mawdaw 10 hte wa wa htaw la na matu lung wa sai nga nna shiga gaw na ai, rai tim shapraw ya na nshapraw ya na gaw naw lat yu ra ai” nga nna buga masha langai tsun wa ai hpe chye lu ai.

Chaung Wa (ေခ်ာင္းဝ) kaw pat hkum da hkrum ai Mung shawa ni gaw April (11) ya shani Myen Hpyen Dap, Dap Nu (101), T.K.Ts (7) ni hte KIA hpyen hpung ni laja lana gasat gala byin ai majaw hprawng yen wa ai Mung shawa ni rai nna jep chyoi ngut yang she Kamaing hpyen yen dabang de sa ya na ngu tsun da ai rai tim ya du hkra sa ya ai lam nnga ai hpe chye lu ai.

Leave a Reply

Your email address will not be published. Required fields are marked *