Mara kata htawng rim bang hkrum ai Hpungtau Dumdaw Nawng Lat hte Sara Langjaw Gam Seng bai lawt pru wa.

Myen Amyu Sha Ni a Htunghkying Shaning Ningnan hpe hkap tau la ai masat masa hku nna 2018 April (17) ya shani Myen Mung Gumsan Magam Rung kawn shapraw da ai ndau laika hte maren Mungdan kata na hkyuk htawng shara shagu kaw Tara Upadi Pukma amyu myu hte sharen da hkrum ai htawng masha marai (8496) hpe mara amu shaprai kau nna shalawt dat ai kaw Hpungtau Dumdaw Nawng Lat hte Sara Langjaw Gam Seng yan mung April (16) ya shani lawt wa sai lam chye lu ai.

Hpungtau Dumdaw Nawng La hte Sara Langjaw Gam Seng yan gaw, Lai wa sai 2017 October (27) ya shani, Sam Mung Dingdung daw Lashio Muklum Tara Rung hta Pukma ၁၇/၁ hte htawng dam sharen da hkrum ai rai nga ai.

Ndai Sara yan hpe 2016 ning Munggu majan shaloi Myen Hpyen Dap kawn Mung shawa ni hpe shinggyim ahkaw ahkang tawt lai ai lam hte seng nna shi sawk ni hte n tara ai U hpung U hpawng ni hpe matut mahkai lam madun garum ai ngu, ntsen ai amu manghkang hte rim hkrum ai rai nga ai.

Leave a Reply

Your email address will not be published. Required fields are marked *