4th lang na Ginjaw ginra ginwang ginjaw hpyen yen ramma bawngban hpawng galaw

Ginjaw ginra ginwang ginjaw hpyen yen ramma (GJHR) ramma bawng hpawng hpe April 23-28 laman Hpumlum Yang hpyen yen dabang kaw galaw nga lam chye lu ai.

Du sa ai ramma ni gaw Masat shadaw (6) Masat shadaw (8), Hkau Shau, Maga Yang , Sha-It Yang, Pa Jau, Woi Chyai, Nawng E Hku, Laiza, Je Yang, Hpung Lum Yang, Dung Bum, hte pa layang camp hkan na ni du sa ai rai nna laksan du sa manam ni hte yawng marai hkying mi (1000)daram du sa ai lam chye lu ai.

Ya na zawn jarit mayan ramma hpawng galaw ai lam gaw hpyen yen nga ai aten rai tim ramma ni hku nna myit ndaw ai sha hpa lam hta rai tim asum njaw ai sha, tinang a prat hpe grau nna shawnglam de gwi gwi rawt tsap lu na matu hte hpyen yen dabang langai hte langai makam masham n ging hka ai sha jinghkri (Network) nga lu na matu yaw shada ai re lam GJHR ningbaw Rev. Dingsi Tu San Awng tsun ai hpe chye lu ai.

Sharin hpawng lamang hta Ginjaw Komiti Ningtau Ninggawn Amu madu Salang kaba Labang Doi Pyi Sa (Ninggawn mung masa lam), Ginjaw Lakawn Lanawn, JST kaw na hkaw tsun lamang, Ginjaw Komiti Tingnyang Up, Ningbaw kaba  Nban La, Tingnyang Up malai, Ningbaw malai, KBC kaw na Dr. Layang Seng Ja, ေရွ႔ေန Ma Hka hte RCM kaw na Wa Jau Lar Di ni lakjet lamang jaw na re lam chye lu ai.

Ndai zawn bawngbang hpawng hpe shaning shagu galaw nga ai rai nna dai ning na zuphpawng hta gaw ginjaw ginra shagu na ramma ningbaw ni hte bawngban nhtawm GJHR ramma ningbaw hpe komiti hta bawngban nna lata sa wa na re lam Rev. Dingsi Tu San Awng matut tsun ai kaw na chye lu ai.

Leave a Reply

Your email address will not be published. Required fields are marked *