Njang Hka hku de htu shadut lung wa ai Myen hpyen hpung ni hte KIA Hpen hpung ni gasat gala byin

KIA Masat (1) Dap Ba, Masat (4) Dap dung ginra Njang Hka hku de htu shadut lung wa ai Myen hpyen hpung ni hpe April (28) ya jahpawt manap hkying (5:00)Am daram hta KIA hpyen hpung ni hkap shingla gasat dat ai kawn laja lana gasat gala byin ai hpang Myen hpyen hpung ni bai hting nut mat ai lam shawng lam shi sawk ni shana wa ai.

KIA Masat (4) Dap dung ginra de Myen hpyen hpung ni April (26) ya shani kaw nna laja lana htu shadut htim gasat wa ai majaw gasat gala matut manoi byin nga ai re, April (27) ya shani hkying (3:00)Pm daram hta mung Deng (18) Pung Swi Yang maga kaw na matut shamu shamawt lung wa ai Myen hpyen hpung ni hpe Deng (21) mayan kaw KIA hpyen hpung ni hkap shingla gasat dat ai kawn gasat gala byin ai re hpe chye lu ai.

KIA Masat (2) Dap ba ginra Zup Mai mare maga hku shamu shamawt chyinglau hkawm nga ai Myen hpyen hpung ni hpe April (27) ya shani hkying (9:00)Am daram hta KIA hpyen hpung ni jau gawng ladat hte shingla gasat dat ai kawn gasat gala byin ai lam chye lu ai.

Leave a Reply

Your email address will not be published. Required fields are marked *