Munglai Hkyet hpyen yen dabang kaw wan hkru

Laiza Muklum, Woi Chyai lahta, Munglai Hkyet hpyen yen dabang kaw April (28) ya shani ka-ang hkying 1:00Pm daram hta wan hkru wa nna htinggaw 19 shanu nga ai nta yan 5 hkru lawm mat ai lam chye lu ai.

Wan hpe Laiza Muklum Wan Sat Dap ni hte Mare masha ni, Magam Dap hkan na Magam gun ni jawm sat ai hte hkying 2:30Pm daram hta shazim kau lu sai re.

Wan hpyen hkrum ai htinggaw ni hpe dabang komiti salang ni hte hpyen yen lakawn lanawn hpung ni lit la lakawn nga ai re hte wan gara hku hkru wa ai lam, wan hkru ai a majaw sum machyi hkrum mat ai lam ni hpe sagawn nga ai re hpe chye lu ai.

Munglai Hkyet hpyen yen dabang gaw lai wa sai 2013 ning hta gawgap, shanu nga ai rai hpyen yen Mung shawa htinggaw 65 shanu nga ai re hpe mung chye lu ai

Leave a Reply

Your email address will not be published. Required fields are marked *