Hkamau Zup Makau, Bum Hkaw Bum Pawt kaw Myen Hpyen Dap hte KIA hpyen hpung ni gasat gala byin.

KIA Masat (2) Dap Ba, Masat (14) Dap Dung ginra, Hkamau Zup Makau, Bum Hkaw Bum pawt kaw Dap mying n chye ai Myen Hpyen Dap hpyen hpung hte KIA hpyen hpung ni May (6) ya shani hkying (10:15)Am aten daram hta gasat poi byin ai lam na chye lu ai. Dai shara hta May (5) ya shani mung gasat gala byin lai wa ai lam chye lu ai.

KIA Masat (4) Dap Ba, Masat (8) Dap Dung ginra, Nawng Jang Hkyet kaw Hpunau Rawt Malan Hpung TNLA hte Dap mying n chye ai Myen Hpyen Dap hpyen hpung ni May (6) ya shana maga hkying (4:45)Pm aten daram hta gasat poi byin ai lam na chye lu ai.

Dai ginra hta sha May (5) ya shani, TNLA hte SSPP/SSA maga na Myen Hpyen Dap Hk.M.Y (324) pawng hpawm hpyen hpung ni gasat poi byin nhtawm Myenn Hpyen Dap ni laknak kaba hte gap garum ai hta mare de hkrat ang nna mung masha marai (2) hkala hkrum ai lam hpe mung na chye lu ai.

Leave a Reply

Your email address will not be published. Required fields are marked *