Hpakant mare Ramma ni hpyen yen tsinyam hkrum hpu-nau ni hpe garum lu na matu alu shinggyin ai lam galaw

Hpyen yen tsinyam hkrum nga ai sai daw sai chyen ni hpe garum madi shadaw lu na matu Hpakant kaw nga ai Hkristan ramma ni pawnghpawm nhtawm May (7) ya shani mare kata alu shingyin ai lam galaw ai hpe chye lu ai.

Alu hta shingyin ai ramma ni gaw “Free IDPs” ngu laika hpe gayet shakap da ai Palawng ahpraw hpe bu hpun nhtawm lam hkawm let Lawng Hkang mare, Sabaw mare, Kate mare, Hpakant  hte Seng Tawng mare lam kaba hku hkan nna shingyin ai lam galaw ma ai re.

Ndai lamang hpe U-ru Seng Maw Ginwang Ramma Komiti kaw nna woi awn nhtawm May (5) ya shani kawn praw (7) ya shani du hkra galaw nga ai re hte shingyin la lu ai alu ni hpe ya aten grau nna yakhkak jamjau hkrum nga ai hpyen yen tsinyam hkrum hpu-nau ni hpe garum madi shadaw sa wa na re nga nna lamang kaw shanglawm woi awn nga ai Shadang Lahpai Zau Mai tsun ai kaw na chye lu ai.

 

Photo; Ah Zau Zaiwa Lahpai’ FB

Leave a Reply

Your email address will not be published. Required fields are marked *