KIA Masat (2) Dap Ba, Masat (6) Dap Dung ginra kaw gasat gala byin

KIA Masat (2) Dap Ba, Masat (6) Dap Dung ginra, KIA hpyen hpung  ni nga ai Woi Maw Post hte Nam Sai Zup shara (2) de May (11) ya shana maga hkying (4:00)Pm aten daram hta Dap Mying n chye ai Myen Hpyen hpung ni htu shadut lung wa ai hpe KIA hpyen hpung ni hkap shingla gasat dat ai kawn gasat gala majan byin ai lam chye lu ai.

KIA Masat (6) Dap Dung ginra, Nam Jan Hku, Ga Hkyeng Kawng, Loi Mye Bum mayan de htu shadut lung wa ai Myen Hpyen hpung ni hte KIA hpyen hpung ni May (11) ya shani, gasat gala laja lana byin ai lam chye lu ai.

KIA Masat (4) Dap Ba, Masat (9) Dap Dung ginra, Jau Myen mare makau kaw May (11) ya shani, KIA Hpyen Hpung ni hpe Dap mying n chye ai Myen Hpyen hpung ni a kajawng wa htim gap ai kawn gasat gala byin ai lam chye lu ai.

KIA Masat (9) Dap Dung ginra, Dima mare makau hta Myen Hpyen hpung ni hte KIA hpyen hpung ni May (10) ya shani gasat gala byin ai majaw Di Ma mare makau grup yin na mung mare masha ni, Nam Um mare, Hku Mung mare, Namhpak Ka mare hte Muse mare de hpyen koi yen du nga ai lam na chye lu ai.

KIA Masat (7) Dap Ba ginra, Sati Chyaw (စတီးေၾကာ) kaw nna Lagwi maga de lai shang wa ai Myen Hpyen Dap, Tatma (33) kata na hpyen n-gun (100) daram nga ai hpyen hpung ni hpe May (9) hkying (7:00)Am aten daram hta KIA hpyen hpung ni hkap shingla gasat dat ai kawn gasat gala byin ai lam chye lu ai.

 

Leave a Reply

Your email address will not be published. Required fields are marked *