Myen hpyen hpung ni rim da hkrum ai Wara Zup mare na jawngma marai (4) hpe bai dat ya

Wara Hka makau hku Sit Jawng hku lung wa ai Myen hpyen hpung ni Nga Singgawn gabai bang da nna sa shaw ai jawngma la kasha marai (4) hpe Jinghpaw ni yawng gaw rawt malan ni re ngu nna May (11) ya jahpawt hkying 6:0 Am aten rim woi mat ai lam na chye lu ai.

Rim hkrum ai jawngma Shadang Labya Bawk La (18) Ning, Shadang  Myu Jat Awng (12) Ning, Shadang Ya Ku (13) Ning hte Shadang Myu Lat (12) Ning ni hpe Myen hpyen hpung ni rim da ai kaw wa mu ai Salang Labya La Wawm hte madu jan yan kawn dat ya na matu wa tsun ai raitim Myen hpyen hpung ni kawn Salang Labya La Wawm hpe mung matut rim da nna madu jan hpe gaw wa sha-ngun kau ai lam chye lu ai.

Madu jan kawn Mare Up Hkang Salang hpe wa tsun ai majaw Mare Up Hkang Salang kawn Jahtu Zup kaw dap jung nga ai Hk.L.Y 297 na တပ္ရင္းမွဴး hpe Phone Set nna tsun yang she hkying 11:30 Pm hta bai dat ya ai lam na chye lu ai.

 

Leave a Reply

Your email address will not be published. Required fields are marked *