Myitkyina kaw hpyenyen garum gahtau myit sharawt masing lamang galaw

Shingni bungli hpe galaw ai myitrum ni pawnghpawm nhtawm Hpyen yen tsin yam hkrum ai ni hpe garum la na matu Myitkyina Manau Wang Chyinghka Kaba shawng kaw May  (10 ) ya shana ground show galaw ai lam chye lu ai.

Ground Show lamang hta lai wa lai sa hpu-nau ni hpe hpyen yen tsin yam hkrum ai saidaw sai chyen hpunau ni garum la ga ngu ka shakap tawn ai lata gam ndau laika hpe garan nna shada myit jasu hkat ai lam re nga nna shanglawm ai Yungwi Shadang Lama Sut Gun tsun ai.

Alu ja gumhpraw hpe hta Shingyin la lu ai n-ga Hkang hpu nau langai N-gu Buk (50) sa du garum jaw ai lam nga ai hte dai shinggyin la lu ai alu ni hpe May (11)ya shani Myitkyina Jaw masat kaw hpyenkoi yen nga ai Awng lawt hpyenyen mung shawa ni hpe wa du garum lu sai nga nna mung matut tsun ai.

Ndai zawn re lamang hpe muklum kata kaw shara htawt nhtawm Jinhpaw mung kaw nga ai kaga Ru-di amyu sha yawng hpe mung chye na shangun mayu ai myit jasu lamang re lam hte lamang hta Myitkyina muklum kaw nga nna shingni magam bungli hpe galaw nga ai shingni ni marai 20 jan sa du shanglawm ai re hpe mung chye lu ga ai.

Leave a Reply

Your email address will not be published. Required fields are marked *