Sakhkung Mungdaw du Jinghpaw Wunpawng Ramma ni hte Manmaw kata na Ramma ni hkrumzup bawngban

Sakhkung Munngdaw du Jinghpaw Wunpawng Ramma Hpung ni gaw May (11) ya shani Manmaw Muklum kata kaw na Ramma woi awn hpung ni hte hkrumzup bawngban ai lam galaw ma ai hpe na chye lu ai.

Ndai Ramma hpung ni gaw Lai wa sai shata mi tup Kanu mungdan kaw n-gun madun ai Ramma Hpung hpe madi shadaw ai hte May praw ( 8 ) ya shani Myitkyina mare de du yu wa ai ni rai nga ai.

“Kanu mungdan kaw n-gun madun ai hpe madi shadaw ai hku nna Anhte a shara kaw htuk manu ai hku mai galaw ai raitim Anhte kaw na Ramma ni hte Kanu mungdan kaw na Ramma ni mahkri shawn nna Myusha magam bungli ni hta rau sha jawm galaw sa wa lu na matu yaw shada ai majaw du yu wa ai lam re” nga nna Sakhkung mungdaw du Jinghpaw Wunpawng Ramma Lithkam tsun ai.

Ndai zawn kanu mungdan na ramma ni hte wa du mahkri shawn ai lam gaw shawng nnan lang re hpe shi sawk Ah Roi Seng tang madun da ai.

Leave a Reply

Your email address will not be published. Required fields are marked *