2018 ning March (15) ya shani na gasat gala shiga.

KIA Masat (1) Dap Ba, Masat (4) Dap Dung ginra Dap Shawa Yi grup yin de May (15) ya jahpawt manap hkying (5:50)AM aten daram hta Myen Hpyen Hpung ni gale pru wa ai majaw KIA hpyen hpung ni hte laja lana gasat poi byin ai rai nna Myen Hpyen Hpung ni gaw gasat gala majan byin ai shara mayan de laknak kaba ni hte jahkring hkring gap bang ai lam shawng lam shi sawk ni shana wa ai.

KIA Masat (4) Dap Ba, Masat (8) Dap Dung ginra Namhpaka shingdu Hpa Hping hte Hu Maw lapran kaw May (16) ya jahpawt hkying (6:40)Am daram hta TNLA hpyen hpung ni hte dai ginra de htu shadut lung wa ai Myen Hpyen Hpung ni gasat poi byin ai rai nna gasat gala majan byin ai shara de Myen Hpyen Dap Hk.L.Y (123) ni kawn laknak kaba hte gap garum ya ai lam na chye lu ai.

KIA Masat (6) Dap Ba, Masat (36) Dap Dung ginra de htu shadut lung wa ai Myen hpyen hpung ni hpe May (15) ya jahpawt hkying (7:55)Am daram kawn KIA hte MNDAA pawnghpawm hpyen hpung ni Dung Aw mare dingsa kaw hkap shingla gasat dat ai kawn laja lana gasat poi byin ai rai nna Namtau Hkun Hawng Mare hte Win Seng Mare kawn du nga ai Myen hpyen hpung ni gast gala majan  byin ai shara de laknak kaba gap garum ya ai lam na chye lu ai.

KIA Masat (9) Dap Ba, Masat (6) Dap Dung ginra Woi Bum maga de May (15) ya jahpawt hkying (7:45)Am daram hta Myen hpyen hpung ni htu shadut lung wa ai majaw KIA hpyen hpung ni hte laja lana gasat poi byin ai rai nna hkying (9:20)Am daram hta Myen Hpyen Jet nbungli (2) gaw gasat gala majan byin ai shara mayan de wa hpyen gawai da nna bai nhtang wa mat ai lam na chye lu ai.

KIA Masat (26) Dap Dung daju maga sa makoi rawng nga ai Dap mying nchye lu shi ai Myen hpyen hpung ni hpe May (16) ya shani hkying (2:00)Mn daram kaw nna KIA hpyen hpung ni sa htim gasat ai kawn laja lana gasat gala majan byin ai lam na chye lu ai.

KIA Masat (45) Dap Dung ginra, Danai kawn Nam Yung mare nnan de shang nna Gumra Dap makau kaw shara jahkrat nga ai Myen Hpyen Dap Hk.L.Y (126) Dap na Myen Hpyen La marai (1) gaw shi manang ni nga ai shara de bom kabai bang dat ai majaw marai (4) si sun mat nna, marai (5) hkala hkrum mat ai hte  dai Myen hpyenla wa gaw shi hkum shi bai gap sat si mat ai lam na chye lu ai.

Leave a Reply

Your email address will not be published. Required fields are marked *