Tara N Shang Langu Sun Galaw Ai Lam Hpe Asuya Kawn Ahkyak N La Ai Majaw Ahkun Hkan Se Hta Ai Lam Hta Grai Sum Machyi Nga

Jinghpaw Mung Hta Miwa ni kawn tara nshang langu sun galaw sha ai lam ni hpe seng ang ai Asuya ni kaw nna Tara jahkrat jep joi ai lam n nga ai majaw Mungdan a ahkun hkan se hta ai hte Mung shawa a lamu ga ni sum machyi ai lam ni nga ai hpe chye lu ai.

June praw laman Wai Maw ginra kata tara nshang  galaw sha nga ai langu sun ni hkan Jinghpaw Mungdaw Rapdaw salang ni sa du gawan yu yang tara nshang ai sha mung shawa ni a lamu ga hkan hkrup mara langu sun galaw sha  nga ai hpe mu lu ai lam June (10) ya shani Jinghpw Mungdaw Asuya rap daw salang ni mungdaw rap daw hta tang madun da ai lam na chye lu ai.

Langu hkai sun hte seng nna Mungdan a ahkun hkan se hta ai tara hpa masat da ai lam n nga ai sha Asuya salang nkau ni hte P.T.Ts hpung ni Miwa lauban ni hte pawng nna Mungshwa ni a lamu ga law law hpe masu hkalem langu sun galaw sha kau ya ai hpyen yen mungshawa ni a lamu ga ni hpe laba ka-up la nna langu sun hkai shadut  ai lam ni a majaw lamu ga madu Mung mare masha ni hte Manghkang jahkring hkring byin nga ai re hpe chye lu ai.

Lai wa sai ten hta mung Myu Set Chye Pwit company ni kawn Mukchyik mare masha ni a lamu ga kaw langu sun galaw na matu galaw wa ai hpe Mukchyik mare masha ni hte manghkang byin nna ya aten du hkra  tara shawk shawn ai manghkang ni byin nga ai  re hpe mung chye lu ai.

Langu hkai na lam hpe Jinghpaw mung hte Miwa Mungdan jarit mayan ka-ni malai  langu sun galaw na matu ahkang jaw da ai raitim ya aten Jinghpaw Mung shara shagu ngu na daram hta tara nshang langu sun galaw sha ai lam gaw law wa nga ai re hpe na chye lu ai.

Leave a Reply

Your email address will not be published. Required fields are marked *