Hkai Rem Hpaji Sharin Jawng Hpe Du Wa Na June Shata (18) Ya Shani Hpaw Sa Wa Na

Alen Bum kaw hpaw sharin nga ai Wunpawng Mungdan Shanglawt Asuya Ginjaw Hkai Rem Hpaji Sharin Jawng hpe June (18) ya shani hpaw sa wa na re majaw jawngma jahpan hpe matut manoi naw hkap la nga dingyang re lam Jawng Up Sara kaba Kareng Brang Seng tsun ai kaw na chye lu ai.

Hkai Rem Hpaji sharin jawng hpe npawt nhpang hte Diploma lahta tsang hku pang garan nna sharin ai re hte tsang shi n awng shi ai tsang matsat hte tsang shi lapran ni hpe ningpawt ninghpang hkai rem jawng kaw shata (10) sharin ya nna Tsangshi awng sai ni hpe gaw lahta tsang hkai rem jawng Diploma hku nna masat let (3) ning sharin ai re lam chye lu ai.

Hkai Rem Hpaji jawng hpe Wunpawng Mungdan Shawnglawt Asuya hku nna Amyu sha ni a hkru kat nga mu nga mai lam hpe yaw shada let hpaw sa wa ai reĀ  Sara kaba tsun ai.

Hkai Rem Hpaji jawng kaw na Diploma hte ngut ai jawngma ni hpe shaning shagu marai (5) hpe Isreal de hpaji hpung jat sa du sharin shangun ai lam nga ai rai nna Hkai rem hpaji jawng hta ningtawn ai jawngma ni hpe mung Miwa, Thai hkai sun datkasu jawng de hpung jat hpaji sharin ya ai lam ni nga ai re hpe mung matut chye lu ai.

Leave a Reply

Your email address will not be published. Required fields are marked *