Jarit mayan hpyen yen Mung shawa ni kaw sa du gawan ai majaw Waimaw KBC ginjaw de Myen Asuya rung a sadi jaw laika du

Jinghpaw Mung Shimlam hte Jarit Mayan Hkringmang Rung kawn Masat shadaw (6), (8) de na hpyen yen dabang ni nga ai shara gaw KIA ginra re majaw Pukma (17/1) hte tara jewat mai ai rai nna htawm hpang de galoi nmai sa ai lam June (11) shani Waimaw KBC Ginjaw de laika du wa ai lam na chye lu ai.

“Waimaw KBC Ginwang hpung kata na staff (20) jan gaw May (3) ya shani LuHau, BaHau de na hpyen yen masha ni hpe n-gun jaw gawan hkawm ai lam nga ai. Dai lam hte seng nna Jinghpaw mung shimlam hte Jarit Mayan hkringmang rung kawn sadi jaw laika hpe May (21) ya shani kaw nna sa dat ai raitim Waimaw Ginwang rung de gaw June (11) ya shani she du wa ai re hte ya na zawn laika sa ai gaw shagyip shagyeng mayu ai ladat re” nga nna Waimaw KBC Sara langai tsun ai kaw na chye lu ai.

Waimaw KBC Ginwang kaw nna gaw hpyen yen ginra de (2) ya sa du n-gun jaw gawan da ai re hte ndai lam hte seng nna hkawm sa ai shaloi hpa ntsun ai rai tim bai du wa ai hpang Waimaw KBC rung kaw ya na zawn sadi jaw laika du wa ai re hpe na chye lu ai.

Leave a Reply

Your email address will not be published. Required fields are marked *