Robert Camp na hpyen koi yen Mung shawa ni htinggaw masha sumla ndem hkam

Manmaw mare Robert Camp kaw June 12 ya shani Myen Asuya Uphkang Salang ni kawn dinghku masha sumla dem na matu sa du ai rai tim kadai mung sumla dem na  matu n hkap la ai lam hpyen koi yen mung shawa ni kaw na chye lu ai.

Ndai zawn galaw ai lam, hpyen yen mung shawa ni hpe sang lang dan ai lam n-nga ai sha nta masha jahkum da nna sumla sa dem hkam la na nga matsun ai majaw kadai mung nsa ai re hpe chye lu ai.

“Dai ni tup lat tim htinggaw mi mung sumla n sa dem ma ai. Shanhte gaw hpawt ni bai sa wa na, Camp masha ni hpe naw tsun shana da ya rit nga tsun htet da ma ai” nga nna Dabang Komiti Salang langai tsun shana wa ai.

Ndai Camp kaw na hpyen koi yen kanu kawa ni gaw ya na zawn rai nta masha jahpan hte Sumla hkan dem mazing ai hpe nchye na ai majaw nra sharawng ai lam ျမိဳ႕နယ္, ခရိုင္, Naypitaw de June shata praw kaw nna laika bang da ma ai raitim hpa mahtai nlu ma ai re hpe chye lu ai.

Sumla sa dem ai gaw Manmaw ginwang Immigration hte Uphkang rung kaw na ni rai nna hpyen koi yen Mung shawa ni nta bai wa ai ten garum madi shadaw ya lu na matu matsing sumhting galaw na hpe ntsa na matsun hte galaw ai re nga nna Camp lithkam ni hpe zuphpawng shaga nna tsun ai dan ai lam chye lu ai.

Lai wa sai June (9) shani AD 2000 Camp kaw Sumla dem ai lam galaw ai hta law malawng gaw sumla dem hkam ma ai, sumla ndem ai ni mung myit ung ang ai lam ni byin nga ai hte Sumla dem hkam ai ni mung myit tsang ai lam ni byin nga ai re hpe na chye lu ai

Leave a Reply

Your email address will not be published. Required fields are marked *