Jawngma hkamja lam hkaw tsun hpawng galaw

Laiza Muklum Lahta Tsang Jawng Rawt Ning Hkawng Gawk Nu kaw June (22) ya shani Jawngma Hkamja lam Hkaw Tsun hpawng galaw ai lam chye lu ai.

Jawngma ni hkamja zet let ai hte hpaji hpe hkaja la lu na matu hte du wa na June (26) ya shani ang ai Mungkan Kani Nanghpam Pat Jasan nhtoi hpe madi shadaw ai hku nna galaw ai lamang re nga nna Jawng Up Sara Num  Ja Mai tsun ai kaw  chye lu ai.

Hkaw Tsun hpawng hta, Kap Bra Ana hte seng ai lam, Nmai sha ai malu masha ni hte seng ai lam, Hkum Hkrang San Seng lam, HIV ana hte seng ai lam, Kan hte seng ai lam ni hpe chye na lu na matu muklum Hkamja Dap hte Ginjaw Hkamja dap magam gun ni kawn sa du hkaw tsun ai lam Jawng Up Sara Num tsun ai.

Jahpawt daw Lapran Tsang Jawngma ni hpe hkaw tsun ai lam, Shana daw hta lawu tsang jawng ma ni hpe hkaw tsun ai lam galaw ai rai nna jawng makau grupyin jasan jaseng lam galaw ai lam nga ai.

Laiza Lahta Tsang Jawng kaw jawngma 1000 mi jan hpaji sharin hkamla nga ai rai nna, daini hkaw tsun ai kaw nlawm ai Lahta tsang jawngma ni hpe gaw laksan hkaw tsun ai lam hpe galaw sa wa na re hpe mung chye lu ai.

Leave a Reply

Your email address will not be published. Required fields are marked *