Hkai lu Hkai sha shara bai galai jaw ai lamu ga hpe mungmasha ni nra sharawng ninghkap

Lap Patawng Ginra hta miwa mungdan na Wan Pau Company kawn Mungshawa ni galaw lu galaw sha ai ginra kaw Magri Nhparang htu shaw ai lam galaw ai  hpe mungshawa ni nra sharawng ninghkap ai hpe Company ni kawn galaw lu galaw sha shara bai galai jaw ai raitim dai  lamu ga  hpe mung shawa ni nra sharawng ai majaw Wan pau company shawng kaw July 4 ya shani n gun madun ai re hpe na chye lu ai.

Company ni gaw ginra masha ni hpe Ni nawn ai shara kaw galaw lu galaw sha mai na hku lajang ya na re nga nna  tsun da ai raitim ta tut hta gaw  Mungshawa ni nga ai shara hte Deng 40 daram tsan ai shara kaw jaw da ai lam, Mungshawa ni gaw gara hku hkawm sa na gara hku galaw sha na, Mungshawa ni hpe da sang jam jau hkra galaw ai lam re.Mungshawa ni hpe Lamu ga manu sang  jaw ya ai lam n nga ai ,Mungshawa ni hte bawng ban jahkrup yu ai lam mung n nga ai majaw ya na zawn kalang bai n-gun madun wa ai re nga nna mungshawa ni tsun ai.

Lap Patawng Ginra Magri n hprang htu shaw masing a majaw Ginra masha ni asak si sum mat ai lam,hkala hkrum mat ai lam  ninghkap ai majaw htawng hkrat hkrum ai lam ni  law law nga ai re , ndai masing hpe mungshawa ni hku nna tsep kawp nra sharawng ai majaw ginwang Asuya hkringmang daju hte hkrum na matu sa wa ai raitim hkrum shaga ahkang n jaw ai re majaw laika sha mara nna wa mat ai lam buga masha ni tsun ai.

Mungshawa ni ninghkap n-gun madun ai hta Magri n hprang htu shaw ai lam hpe dawm jahkring kau na lam,myithkrum da ai ga sadi laika hpe hkan shatup na lam,Wan pau Company hpe  tsep kawp n lu hkap la ai lam tsun marawn nna n-gun madun ai re hpe chye lu ai,Mungshawa ni kawn n dai manghkang hte seng nna ninghkap shawa n-gun madun ai lam galaw ai gaw 200 lang jan wa sai raitim ya aten du hkra hpa galai shai wa ai lam n nga shi ai re hpe shi sawk ni tang madun da ai.

 

Leave a Reply

Your email address will not be published. Required fields are marked *